२०१२ मा पृथ्वी स्वाहा हुने- वैज्ञानिकहरू

जापानको भूकम्प र सुनामीपछि तपाईंले आफ्नो दैनिक क्रियाकलापमा ध्यान दिनुभएको छ ? छैन भने आजैदेखि थाल्नुहोस्- तपाईं अचम्मित हुनुहुनेछ। अरू वेलाभन्दा तपाईंलाई अझ बढी रिस उठ्न थालेको छ, दिमागमा असामान्य कुरा खेल्न थालेका छन्, अल्छीपन बढेको छ, मनमा चञ्चलता छ, टाउको तातो र आँखा रातो भइरहन्छ। अझ डरलाग्दो कुरा त के छ भने, तपाईं हिँड्दा बांगो भएर हिँड्न थाल्नुभएको छ π यी सबै पृथ्वीको आयुसँग जोडिएर आएका परिवर्तन भएको वैज्ञानिकले बताएका छन्।

उनीहरूको निष्कर्ष छ- भूकम्प र सुनामीले जापानलाई मात्र धक्का दिएन, सिंगो पृथ्वीको घुम्ने गतिमा ०.०७ सेकेन्डले कमी आएको छ
।

अहिले पृथ्वी आफ्नो अक्षांशबाट ०.३४ मिटर तल खसेको छ
। जसकारण तराईमा जाडो बढ्न थालेको छ, हिमालको तापक्रम अकासिएको छ। गत साता सगरमाथाबाट झरेका आरोही मार्स रधिसुले आफ्नो ब्लगमा लेखेका छन्, 'यो साता माउन्ट एभरेस्टको आधारशिविरमा खल्खली पसिना आएको देखेर मलाई लाग्यो- म सपना देखिरहेको छु। तर, पछि सोचे- ए साँच्ची हामी २०१२ को नजिक पो छौँ त।'

केही सातादेखि पृथ्वीले अनौठो गतिविधि देखाइरहेको छ
। अपि|mकाको जायरमा उम्लिएको पानीको वर्षा भएकाले नागरिकलाई घरबाहिर ननिस्कन आदेश दिइएको छ। तिब्बतका पठारमा चौँरी चराझैँ उडिरहेकाले गोठाला पूजापाठ गर्न व्यस्त छन्। तर, खगोलशास्त्रीले भने यो गतिविधिलाई पृथ्वीको अन्त्यसँग जोडेर हेरिरहेका छन्।

यसै प्रसंगमा संसारभरका वैज्ञानिक, खगोलशास्त्री तथा ज्योतिषीले गत साता क्यारेबियन टापु फिजीमा संयुक्त छलफल गरे

उनको कुरा पत्याउने हो भने अहिले मध्य-पूर्व तथा उत्तरी अपि
|mकी देशमा फैलिएको हिंसा र आक्रोशको कारण पनि नजिकिँदै आएको पृथ्वीको अन्त्यसँग जोडिएको छ। इजरायलका विख्यात भूगर्भविद् लबनाम लफुले तेल अविवको एक कार्यक्रममा भने, 'मध्य-पूर्वको जमिनमुनि रहेको प्लेट अहिले अत्यन्तै तातो भएको छ। त्यसबाट आउने अनौठो गन्धले त्यहाँका मानिसको मन र दिमागलाई हिंसातिर प्रेरित गरिरहेको छ।' आन्दोलनकारीलाई उत्तेजित गराउनेगरी अदृश्य तरिकाले लागुपदार्थ खुवाइएको छ- भन्ने लिबियाली नेताको भनाइले पनि सो कुराको पुष्टि गर्छ। । अति गोप्य तवरले सम्पन्न सो कार्यक्रमलाई अमेरिकी सरकारले विशेष सुरक्षा दिएको थियो। नेपालको तर्फबाट सहभागी ज्योतिषी ओजराज लोहनी भन्छन्- 'हो, म फिजी गएको थिएँ, तर त्यहाँ के भयो, म यहाँ भन्न सक्दिनँ।' के पृथ्व्ाीको आयु सकिन लागेको हो त भन्ने प्रश्नमा उनले थपेे- 'अहिले यति भनौँ, जापानको भूकम्पपछि सूर्य र चन्द्रमाले आफ्नो पूर्वस्थान छाडेका छन्। जसकारण पृथ्वीवासीमा कहिल्यै नभोगेको अवस्था आउँदै छ।'

'मिसन-सेभ द प्लानेट' नाम दिइएको सो कार्यक्रममा केही डरलाग्दा निचोड पनि निकालिए
। सहभागी जापानी वैज्ञानिक हिरोका दाइकाले 'आसही सिम्बुन'लाई दिएको अन्तर्वार्तामा भनेका छन्, 'भूकम्प ध्ाक्काको प्रभावले जापानी प्रधानमन्त्रीका दिमागमा हिंसा, आक्रोश र रिस बढेको देखिएको छ, जसकारण उनले लिबियामा जापानी सेना पठाउने निर्णय गरेको प्रस्ट हुन्छ।'

जब सिंगो पृथ्वी सुरक्षित छैन भने नेपाल रहने कुरै भएन
। काठमाडौंमा नब्बे सालको भन्दा ठूलो भुइँचालो आउने कुरा हिमाल खबर पत्रिकाले लेखेको छ (हेर्नोस्, हिमाल अंक २३४)। यसलाई पुष्टि गर्नेगरी नेपाल विज्ञान तथा प्रविधि प्रतिष्ठानले भनेको छ- नेपालको सीधा आकाशमा पर्नेगरी एउटा नौलो ग्रह घुमिरहेको छ जसबाट आएको बैजनी किरण नेपालीको दिमागमा परिरहेको छ। अंग्रेजीमा 'सन्टुफ' नाम दिइएको त्यो किरणले मान्छेमा घमण्ड, रिस, आक्रोश बढ्ने र त्यो काटमारको स्थितिसम्म पुग्ने जनाएको छ। अहिलेको राजनीतिक अन्योल, तराईको हिंसा तथा नेताहरूको दन्त बजानलाई त्यसैको कडीमा रूपमा हेर्नुपर्ने खगोलशास्त्री आनन्दराम गौडेल बताउँछन्।

बलिया प्रमाणहरूः माया क्यालेनडरः मेक्सिकोका मायानले हजारौँ वर्षपहिलेदेखि सफल भविष्यवाणी गर्दै आएका छन्, जुन धेरै हदसम्म सही सावित भएको छ
। उनीहरूका अनुसार, २०१२ डिसेम्बर २१ का दिन पृथ्वीका सबै प्राणीको अन्त्य हुनेछ- यसलाई वैज्ञानिकले पनि अस्वीकार गरेका छैनन्।

बाइबलः बाइबलमा प्रस्ट लेखिएको छ-२०१२ मा आत्मा र प्रतात्माबीच भीषण लडाइँ हुन्छ
। त्यो लडाइँ नै पृथ्वीको अन्त्यको मुख्य कारण बन्नेछ।

सूर्यको विध्वंसः सौर्यमण्डल विशेषज्ञले भनेका छन्- अहिले पृथ्वीको तापक्रममा निकै गडबडी देखिएको छ
। त्यसको कारण सूर्यले पृथ्वीमा पठाउने किरणको प्रकोप हो। २०१२ को डिसेम्बरसम्ममा यो प्रकोपले सिंगो सृष्टि समाप्त हुन्ो विश्वास उनीहरूको छ।

परमाणु विस्फोटः युरोपमा बनिरहेको २७ किमि लामो विशाल परमाणु केन्द्र २०१२ मै बिसर्जन गर्ने योजना छ
। त्यो योजना लगभग असफल हुने पक्कापक्की भएको छ। सोही भयंकर धमाकाले धर्तीका सारा प्राणीको अन्त्य हुनेमा जानकारहरू विश्वस्त छन्।

धर्मग्रन्थः हिन्दू ग्रन्थमा कलि आउने र महाप्रलय हुने जुन कुरा उल्लेख छ- लगभग कलिको समाप्ति भनिएको वेला पनि यही हो
। महाप्रलयको प्रसंग पनि पृथ्वीको समाप्ति नै हो।

एउटा चिनियाँ ग्रन्थ 'चाइनिज बुक अफ चेन्जेज' ले पनि सलाई जोडतोडले उठाएको छ
। भौतिकशास्त्रीः अमेरिकाको बर्कली युनिभर्सिटीका भौतिकशास्त्रीको समूह पनि अचम्मित भएको छ। उनीहरूको गणितअनुसार धेरै अघि नै ध्वस्त भइसक्नुपर्ने पृथ्वी अझैसम्म सुरक्षित हुनु संयोग मात्र हो, २०१२ पछिचाहिँ पृथ्वी लगभग समाप्तै हुनेछ।

पुजारी-पादरीः अमेरिकाको एकजना पादरीले त त्यसअघि न्ौ धर्ती ध्वस्त हुने बताएका छन्
। मे २१ मा सृष्टिको समाप्ति हुने भविष्यवाणी गरेका ती पादरीले यसअघि थुप्रै असफल भविष्यवाणी गरिसकेका छन्। जापान, हाइटीलगायत ठाउँमा भएका विनाश परमेश्वरले विनाशपूर्व पठाएका पूर्वसूचना भएकाले सोहीअनुसार आफ्नो अन्तिम इच्छा पूरा गर्न ती पादरीले अनुरोध गरेका छन्।

अर्को ग्रहका प्राणीः पृथ्वीबाहेकका ग्रहमा मानिसभन्दा हजार गुणा तीक्ष्ण बुद्धि भएका प्राणी रहेको केही सौर्यमण्डल विशेषज्ञले विश्वास गरेका छन्
।

पृथ्वीवासीको प्रकृतिविरोधी गतिविधिबाट आजित उनीहरूले पृथ्वीमाथि आक्रमण तीव्र बनाएका छन्


। जापानको सुनामी र भूकम्प पनि तिनै अर्को ग्रहका प्राणील्ो गराएको कुरा केही जापानी टेलिभिजनले दिइरहेका छन्। जहाँ सुनामी र भूकम्प आइरहँदा एउटा अनौठो प्राणी आकाशमा दु्रतगतिमा दौडिरहेको देखिएको थियो।

मलेसियाको जेल र क्याम्पमा पुग्यो संयुक्त अनुगमन टोली

क्वालालम्पुर । मलेसियाका जेल तथा क्याम्पहरुमा विभिन्न कारणले सजाय काट्दै आइरहेका नेपाली मजदुरहरु लाइ मलेसिया स्थित प्रवासी नेपाली मजदुर संघ मलेसिया, नेपाली दुतावास मलेसिया र तमु समाज मलेसिया को संयुक्त टोलीले मंगलबार अध्ययन तथा अनुगमन गरेको छ ।
मलेसियाको राजधानी क्वालालम्पुर देखि दक्षिण पूर्वी स्थानमा रहेको काजाङस्थित लिङकिङ क्यापमा विभिन्न अभियोगमा सजाय भोगीरहेका २९ जना नेपाली मजदुरहरु रहेको अनुगमन टोलीमा सरिक हुनुभयका प्रवासी नेपाली मजदुर संघका अध्यक्ष अमर ओली "श्रमजिवी" ले बताउनु भयको छ । २७ जना अबैधानिक अभियोगमा समातिएका हुन्, भने एक जना अपहरण र एक जना मानव बेचबिखन अभियोगमा समातिएका हुन्। ‘क्याम्प भित्र रहेका मजदुरहरु विगत एक हप्ता देखि २ वर्ष सम्म सजाय भोगिरहेका छन् ।
प्रवासी नेपाली मजदुर संघ मलेसियाका अमर ओली "श्रमजिवी" नेपाली दुतावास मलेसियाका कृष्ण विष्ट, हर्क लामा र तमु समाज मलेसियाका सुर्य गुरुङ समेतको एक टोलीले उक्त क्यापमा रहेका नेपाली मजदुरहरु को अनुगमन गरेको हो । क्यापमा रहेका २९ मध्ये २० जनाको नेपाल फर्कन मिल्ने यात्रा अनुगमन पत्र छिटै बन्ने भएकोले उनीहरु छिट्टै नेपाल फर्कन मिल्ने अनुगमन टोलीले बताएको छ । बाँकी ९ जनाका आफन्तहरु सम्पर्कमा नआएका कारण छिट्टै मुक्त हुन सक्ने अवस्था छैन । टोलीका अनुसार टिकट दिने कोहि भए अपहरणकारी बाहेक अन्य ८ जना मुक्त भई नेपाल फर्कन सक्ने छन् ।

ढेड महिना देखि १६ जना नेपाली श्रमिक अलपत्र

क्वालालम्पुर । मलेसियाको इपो पेराकमा रहेको लेटेस्ट ग्लोव कम्पनीमा डेढ महिना अगाडि आएका १६ जना नेपाली अलपत्र अवस्थामा परेका छन । विभिन्न पाँच वटा मेन पावरवाट आएका उनीहरु कम्पनीले वेवास्था गरेको कारण अलपत्र परेका हुन । चौध सय रिगेट अर्थात लगभग नेपाली ३३ हजार रुपैया खर्च गरि चार वटा टेक्सी रिर्जभ गरेर उनीहरु क्वालालम्पुर आई पुगेका हुन ।मलेसिया स्थित नेपाली दुतावासको सहयोगमा घर फर्कने तयारी गरिरहेका उनीहरु मध्ये ७ जनाको नेपालवाट फर्कने टिकट आईसकेको बताइएको छ । वाँकि अन्य नेपाली श्रमिकहरुलाई प्रवासी नेपाली मजदुर संघले सहयोग गरिरहको संघका अध्यक्ष अमर ओली "श्रमजिवी"ले जानकारी गराउनु भएको छ । ओलीका अनुसार पिडित वाँकि नेपालीहरु पनि छिटै घर फर्कने छन ।

सरकारको नेतृत्व अव साना दलहरुले गर्ने

काठमाडौं असार, सरकारमा रहेका सहितका साना दलले संविधान निर्माण र शान्ति प्रक्रियालाई निष्कर्षमा पुर्याउन राष्ट्रिय सहमतिको सरकार गठन गर्नुपर्ने ठहर गरेका छन्।
मधेसी जनअधिकार फोरम लोकतान्त्रिकको संसदीय दलको कार्यालय सिंहदरबारमा बिहीबार बसेको संविधानसभामा प्रतिनिधित्व गर्ने १६ दलको बैठकले संविधान निर्माणको प्रक्रियालाई अघि बढाई शान्ति प्रक्रियालाई सार्थक निष्कर्षमा पुर्याउन सहमतिको राष्ट्रिय सरकार गठन गर्नु महŒवपूर्ण कुरा भएको निष्कर्ष निकालेको हो। बैठकले शान्ति र संविधान निर्माणको काममा तीन ठूला दलले जनताको अपेक्षा अनुरुप जिम्मेवारी पूरा गर्न नसकेको ठहर गर्दै सरकारले मुलुकमा असुरक्षा महँगी बेरोजगारी विभेद र अव्यवस्था नियन्त्रण गर्न नसकेको निष्कर्ष निकालेको छ। बैठकले अनियन्त्रित वन फँडानीले मुलुक मरुभूमीकरण हुँदै गएको मल र सिँचाइको अभावले किसान प्रभावित बनेको संसद्को अधिवेशन सुचारु गर्नेतर्फ सत्तारुढ र प्रतिपक्षी दल उदासीन बनेको निष्कर्ष निकालेको छ।
बैठकले संविधान लेखन कार्यलाई सुचारु बनाउने विषयमा सबै सकारात्मक रहेको अवस्थामा तीन ठूला दलले बेवास्ता गरेको आरोप पनि लगाएको छ। बैठकले शान्तिप्रक्रिया संविधान लेखन र राष्ट्रिय सहमतिको सरकार गठन गर्ने कार्यलाई तीव्रता दिँदै संविधान लेखन प्रक्रियालाई सुचारु नगरिए जनदबाब सिर्जना गर्न साना २२ दल एक भएर जनताको बीचमा जाने निर्णय पनि गरेको छ। बैठकले आन्दोलनको नारा समेत तय गरेको छ।
सरकारका उपप्रधान एवम् भौतिक योजना तथा निर्माण मन्त्री फोरम लोकतान्त्रिकका अध्यक्ष विजयकुमार गच्छदारले तीन दलले भावी प्रधानमन्त्रीको नाम सर्वसम्मतिले दिन नसके २२ साना दलले सर्वसम्मत विकल्प दिने बताउनुभएको छ। साना १६ दलको बैठकपछि उपप्रधानमन्त्री गच्छदारले तीन दलमा भावी प्रधानमन्त्रीको नाममा सहमति जुट्न नसकेको अवस्थामा साना दलले एकजुट भएर विकल्प दिने बताउनुभएको हो। आफू सधैं माओवादी सहित सरकारको पक्षमा रहेको दाबी गर्दै उहाँले राष्ट्रिय सहमतिको सरकारले मात्र संविधान निर्माण कार्य र शान्ति प्रक्रियालाई निष्कर्षमा पुर् याउन सक्ने ठोकुवा गर्नुभयो।

खाडी र मलेसिया जाने कामदारको अभाव

काठमाडौं,असार
खाडी मुलुक तथा मलेसिया जानका लागि नेपाली कामदारको अभिरुचि कम भएपछि कामदारको अभाव हुन थालेको छ । सस्तो कामदारका रूपमा हेरिने खाडी मुलुक तथा मलेसियामा खर्च बढी र आम्दानी कम भएपछि कामदारको अभाव हुन थालेको हो ।
श्रम तथा यातायात मन्त्री मोहम्मद आफ्ताव आलमले सरकारले कम खर्चमा बढी आम्दानी हुने ढंगमा वैदेशिक रोजगारमा कामदार पठाउन लागेको बताए । 'सरकारले बढी खर्च उठाएर कम आम्दानीमा पठाउने म्यानपावर कम्पनीमाथि निगरानी राख्नेछ ।'
सरकारले विदेश जाने कामदारले ६ महिनाभित्रमा आफ्नो लागत उठाउने कार्यक्रम ल्याएर त्यसलाई कडाइका साथ कार्यान्वयन गर्ने भएको छ । मन्त्री आलमले म्यानपावर कम्पनीले रसिदभन्दा बढी रकम लिएको देखिएमा त्यस्ता कम्पनीलाई वैदेशिक रोजगार विभागमार्फ कारबाही गरिने जानकारी दिए ।
निजी क्षेत्र भने सरकारको स्पष्ट नीति नभएसम्म कामदार अभाव हुने क्रम नघट्ने जिकिर गर्छन् । न्यूनतम् तलबका लागि व्यवसायी तयार भए पनि सरकारले स्पष्ट नीति ल्याउन नसकेको उनीहरूको गुनासो छ । फरेन इम्प्लोइमेन्ट एसोसिएसनका अध्यक्ष प्रेम कटुवालले बढी कामदार जाने मुलुक कतारबाहेक अन्यत्र द्विपक्षीय श्रम सम्झौता नभएकाले न्यूनतम् पारिश्रमिकमा जटिलता रहिरहने बताए । 'व्यवसायी न्यूनतम् पारिश्रमिक दिन हर तरहले इच्छुक छन्,' अध्यक्ष कटुवालले भने, 'सरकारले पनि यसका लागि सहजकर्ताको भूमिका खेल्न सक्नर्ुपर्छ । उनले साउदी अरेबिया, बहराइन, दर्ुबईलगायतका मुलुकमा द्विपक्षीय श्रम सम्झौता गर्न सकेमा त्यसले उपलब्धि हासिल हुने जानकारी दिए ।
कोरियाको रोजगारमा धेरैको अभिरुचि भएकाले खाडी मुलुक जाने कामदारमा प्रभाव परेको छ । मेसिन रिडेबल पासपोर्ट -एमआरपी) का कारण राजधानी काठमाडौं केन्द्रित राहदानी वितरणका कारण पनि कामदार अभाव हुन थालेको छ । अध्यक्ष कटुवालले एमआरपी प्रकरण चाँडै नटुंगिएमा तीन महिनापछि वैदेशिक रोजगार ठप्प हुने र त्यसको रेमिटयान्समा गम्भीर धक्का पुर्‍याउने जिकिर गरे ।
व्यवसायीका बीचमा हुने अस्वस्थ प्रतिस्पर्धाका कारण पनि कामदारले बढी पैसा तिर्नुपर्ने र कम आम्दानी गरेको विदेशको काम गरेर फर्किएकाको गुनासो छ । भर्खरै साउदीबाट र्फकेका शिव क्षेत्रीले फिलिपिनो र श्रीलंकाका कामदारले आठ सय 'रियाल' पाउँदा नेपालीले पाँच सय ५० पनि नपाएको अवस्था भएको जानकारी दिए । उनले एक वर्षा पनि लागत उठाउन नसक्ने नेपाली युवाको दर्दनाक व्यथा आफूले देखेको राजधानीलाई बताए ।
नेपाल वैदेशिक रोजगार व्यवसायी संघका अध्यक्ष सोमलाल बाटाजूले अस्वस्थ्य प्रतिस्पर्धा पनि एउटा कारण भएको स्वीकार गरे । उनले विभागमा हुने झन्झटिला प्रक्रिया र सरकारी सहुलियतको अभावमा पनि लागत वृद्धि हुन पुगेको बताए । उनले कामदारको अभाव हुन नदिन व्यवसायीले बढी आम्दानी हुने क्षेत्रमा मात्र कामदार पठाउनर्ुपर्ने अवस्था आएको जिकिर गरे ।
माओवादी धम्कीपछि शान्ति समितिका कार्यक्रम स्थगित
म्याग्दी असार।
एनेकपा माओवादीको धम्कीपछि स्थानिय शान्ति समितिद्वारा सञ्चालित विभिन्न कार्यक्रम स्थगित गरिएको छ ।
शान्ति समितिका संयोजक नेत्रबहादुर हमालले माओवादी अवरोधका कारण गाउँ शान्ति समिति गठन लगायतका अन्य कार्यक्रहरू स्थगित गर्नु परेको बताए । माओवादीका जिल्ला सहईन्चार्ज देवराज सुवेदीले ०६७ असार १० गते शान्ति समितिको कार्यालयमा पुगी माओवादीको सहभागिता विना कुनै कार्यक्रम सञ्चालन गरे 'कडा रुपमा प्रस्तुत हुने' धम्की दिएका थिए ।
माओवादी धम्कीपछि सशस्त्र द्वन्द्वको क्रममा राज्य र गैरराज्य पक्षबाट हत्या गरिएका, बेपत्ता बनाइएका र अङ्गभङ्ग बनाइएका पीडितका परिवारका लागि तय गरिएका तालिमहरू पनि प्रभावित भएको छ ।

मंचमा लडेर एमाले अध्यक्ष घाइते

काठमाडौ, जेष्ठ  - राजधानीमा आयोजित एक कार्यक्रममा पुगेका एमाले अध्यक्ष झलनाख खनाल मंचमा लडेर घाइते भएका छन् । दायाँ खुट्टामा चोट लागेका उनको मनमोहन अस्पताल सोहृखुट्टेमा उपचार भइरहेको छ ।
पकनाजोल नयाँ बजारस्थित पिपुल्स डेण्टल एण्ड कलेज अस्पतालका संस्थापक तीर्थरत्न बर्जाचार्यको ७ औ पुण्यतिथिको अवसरमा उनको तस्वीरमा माल्यापर्ण गर्ने क्रममा खनाल लडेका हुन् । माल्यापर्ण गर्ने क्रममा मंचको प्वालमा खुट्टा छिरेर खनाल घाइते भएका हुन् ।
डेण्टल अस्पतालकै आकस्मिक कक्षमा उपचार गराएपछि उनलाई थप उपचारको लागि मनमोहन अस्पतालमा लगिएको छ ।

आर्थिक प्रलोभन देखाई प्रहरीका असईद्वारा अपाङ्ग माहिलालाई करणी

 कारवाहीको माग गर्दै स्थानियवासीद्वारा चौकी घेराउ

धनकुटा,  जेठ । प्रहरी नायब निरीक्षकले अपांगता भएकी एक दलित महिलालाई आर्थिक प्रलोभन देखाई धनकुटाको अर्खौले जितपुर प्रहरी चौकीका असई हरिश चौधरीले करणी गरेका छन् । सो घटनाको बिरोधमा जितपुरका बासिन्दाले बुधबार जितपुर प्रहरी चौकी घेराउ गरेका थिए । अर्खौले जितपुर ७ की बोल्न नसक्ने दलित महिलालाई आर्थिक प्रलोभन देखाएर असई चौधरीले करणी हुन् ।
तीन छोराकी आमा ती महिलालाई शारीरिक सम्पर्क गरी फरार भएका असई चौधरीलाई कारबाही गर्न माग गर्दै स्थानीयवासीले प्रहरी चौकी घेराउ गरेका थिए । घटनापछि जिल्ला प्रहरी कार्यालयबाट गएको प्रहरी टोलीले पीडित महिलालाई चौधरीको ३ महिनाको तलब उपलब्ध गराउने र कारबाही गर्ने सर्तमा मिलापत्र गराएको बताइएको छ ।
छलफलपछि असई चौधरीलाई स्थानीयबासीसामु माफी माग्दै ५ पटक उठबस समेत गराएको अर्खौले जितपुर गाविसका पूर्व अध्यक्ष रुद्र तुम्बाले जानकारी दिनुभयो । पीडित महिला श्रीमानसँग छुटि्टएर माइतीमा बस्दै आएकी थिइन् । घटनापछि असई चौधरीलाई जिल्ला प्रहरी कार्यालय झिकाईएको छ र जितपुर प्रहरी चौकीमा अर्का असई पठाएको जिल्ला प्रहरी कार्यालय धनकुटाले जनाएको छ ।

मेघालयमा फेरी आक्रमण

नया“दिल्ली, जेष्ठ -
समुदायमाथि हालैका केही सातामा भएका सांघातिक हमला रोकिएको ठानेका मेघालयका नेपालीभाषीहरू आइतबार बिहानै एउटा नेपाली स्कुलमा आगलागी भएपछि आत्तिएका छन् । खासीहरूको भनी शंका गरिएको एउटा समूहले सिलाङबाट ५० किलोमिटर टाढाको मौनसुन्न्रम नेपाली अपर प्राइमरी स्कुलमा बिहान अर्ढाई बजेतिर आगो लगाइदिएको थियो ।
कक्षा सातसम्म नेपाली र हिन्दी माध्यममा पठाइ हुने स्कुलमा ८३ विद्यार्थी पढ्छन् । 'बडो अफसोचमा छौं,' विद्यालय सञ्चालन समितिका अध्यक्ष पुण्य सुवेदीले कान्तिपुरस“ग फोनमा भने, 'यसै भन्न सकिएको छैन किन आक्रमण भयो । विद्यार्थी यहा“ आधा नेपाली, आधा खासी नै छन् । खासी शिक्षकहरू पनि छन् ।'
मेघालयको रिभोई जिल्लामा पर्ने उक्त क्षेत्रमा दसकौंअघि नेपाली समुदायको बलियो उपस्थिति हु“दा बच्चाहरूले मातृभाषा नेपालीमै शिक्षा लिन सकुन् भनेर खोलिएको थियो । 'बाबाहरूको जमानामा बनाएको हो,' १९६५ मा स्थापित स्कुलभन्दा तीन किलोमिटर परको क्लेउ गाउ“मा जन्मेहर्ुर्केका सुवेदीले भने, 'समाजबाट बनाएको । पहिला हाम्रा बहुत घर थिए । हामी यहीं पढेको ।' आफ्ना पिताहरूसमेत गाउ“मै जन्मेको उल्लेख गर्दै उनले गाउ“का बहुमत खासीहरूस“ग कुनै समस्या नभएको बताए । स्कुल भएको गाउ“ मौनसुन्न्रममा चाहि“ नेपालीभाषी सात परिवार मात्रै छैनन् । केही समयअघि गाउ“ बाहिरका खासीहरूको एउटा समूह ती परिवारलाई आक्रमण गर्न पुग्दा खासी गाउ“बुढाको नेतृत्वको टोलीले भगाएको थियो ।
स्कुलमाथि भएको आक्रमणलाई गाउ“कै खासीहरूले पनि मन पराएका छैनन् । उनीहरूले विद्याको थलो जलाइ“दा घाटा सबैलाई पुगेको उल्लेख गर्दै नेपाली समुदायलाई नडराउन र परेको सबै सहयोग गर्न तत्पर रहेको जानकारी दिएका छन् । खासमा गाउ“बुढाले नै स्कुल जल्दाजल्दै देखेका थिए । 'अर्ढाई बजेतिर स्कुल भवन आगोको लप्कामा देख्दा म स्तब्ध भए“,' गाउ“बुढा अरिस्तार र्‍याङखाङले 'सिलोङ टाइम्स' पत्रिकालाई बताएका छन्, 'मद्दतका लागि म चिच्याए“ तर मध्यरातमा आगो निभाउन को आउने -' जस्ताले छाइएको काठे घरमा आगो छिट्टै फैलि“दा केही समयमै स्कुलको पुरानो भाग सबै सकिएको उनले बताए ।
स्कुलमा लोअर प्राइमरी तहका लागि दर्ुइवटा र अपर प्राइमरीका लागि एउटा भवन छन् । तीमध्ये प्राथमिकको ठूलोचाहि“ भवन जलेर पूरै ध्वस्त भएको शिक्षक सुवास चाम्पङले बताए । 'खै अब के गरी केटाकेटी पठाउने हो, निर्ण्र्ाागर्न सकेका छैनौं,' उनले भने, 'त्रिपाल ओढाउन पनि ठाउ“ छैन ।'
असम र मेघालय सिमानाको विवादित गाउ“ लाम्पीमा नेपालीभाषीहरूलाई आक्रमण गर्न गएका खासीहरूमध्ये चार जनालाई असम प्रहरीले गोली हानी मारेपछि खासीहरूले मेघालयमा बस्ने गोर्खा र प्रवासी नेपालीमाथि आक्रमण गर्न थालेका थिए । त्यसपछि मेघालय प्रशासनले प्रहरीको एउटा टोली यो स्कुल र आसपास बस्ने नेपालीभाषीको सुरक्षार्थ पठाएको थियो । स्थिति सामान्य भएको ठान्दै प्रहरी टोली केही दिनअघिमात्र त्यहा“बाट फर्केको थियो ।
लाम्पीमाथिको स्वामित्वलगायत सीमा विवाद टुंग्याउन शुक्रबार दर्ुइ राज्यका मुख्यमन्त्रीहरूले असमको राजधानी गुवाहटीमा बैठक गरेका थिए । 'नडराओ, बाहिरियाले गरेको भनेका छन् गाउ“बुढाहरूले,' स्कुलनजिकै बस्ने चाम्पङले भने, 'तर र्सतर्क त रहनै पर्‍यो ।'
खासी, गारो र जयन्तियाजस्ता आदिवासीहरूका लागि स्थापित मेघालय राज्यमा अल्पमतमा रहेको नेपालीभाषीहरूले आफ्नो पहिचान जोगाउने उपायका रूपमा नेपालीभाषी स्कुलहरूलाई लिएका छन् । सिलाङका तीन नेपालीभाषी उमावि तथा राज्यका अन्य भागमा समेत १० जति मावि र दर्जनौं प्राथमिक/निमावि छन् । 'हाम्रो समुदायको अस्तित्व यिनै स्कुलहरूस“ग जोडिएको छ,' सिलाङको तीन माइलस्थित १९५७ मा स्थापित नेपाली माध्यमको स्कुलमा बितेका १५ वर्षेखि पढाइरहेकी शिक्षिका अनामिका र्राईले भनिन्, 'विद्याको मन्दिर हो स्कुल । एउटा नेपाली स्कुललाई जलाउ“दा अब अरूलाई पनि डर पसेको छ ।'
'आतंकै फैलेको छ,' सिलाङको नङथुमाई नेपाली उमाविमा बितेका ४० वर्षेखि पढाइरहेका प्राचार्य दर्ुगाप्रसाद जोशीले सोमबार भने, 'हाम्रो आत्मा रोएको छ स्कुल जलाइ“दा । हाम्रो जातिले मात्र होइन नेपाली माध्यमका स्कुलमा सबैले शिक्षा पाएका छन् । अब डरमर्दो भएको छ । त्यसैले मैले पठाउने चारतल्ले भवनको आजै बिमा गराए“ ७६ लाखमा ।'
हालैका केही वर्षरूमा 'बजारको मागका कारण' अन्य बच्चाहरूझैं नेपालीहरूमा पनि अंग्रेजीप्रति आकर्षा बढिरहेकाले स्कुलबाट विषयै लोप हुन नदिन उनीहरूलाई नेपाली पढ्न घच्घच्याएको र्राईले बताइन् । स्कुलमा अंग्रेजी पढाउने तर नेपालीमा दर्ुइवटा कविता संग्रह र एउटा कथा संग्रह लेखेकी दार्जिलिङकी र्राईले भनिन्, 'नेपाली पढ्न नचाहने अरू जातिले ऐच्छिक अंग्रेजी लिनसक्ने प्रावधान छ । अचेल नेपालीका बच्चाले पनि त्यसो गर्न थालेपछि मैले नै तिनलाई नेपालीको कक्षतिर धकेलेकी छु । कसैले नपढ्ने हो भने भाषा मर्छ । अनि हामी कसरी बा“च्छौं -'

इयूद्वारा लिम्बूवान-खम्बूवानसँग गर्ने भनिएको भेटप्रति सरकारको आपत्ति

काठमाडौं, जेष्ठ 

सरकारले यूरोपियन यूनियनले लिम्बूवान तथा खम्बूवानसँग गर्ने भनेको भेटप्रति आपत्ति जनाएको छ । परराष्ट्र मन्त्रालयले दुवै संगठन अवैद्य भएको दाबी गरेको छ ।
'यूरोपियन यूनियनका सांसदहरुको टोलीसँग २८ मेमा हुने भनिएको लिम्बूवान र खम्बूवानसँगको भेट तालिकाप्रति ध्यानाकर्षण भएको छ,' मंगलबार विज्ञप्ती जारी गर्दै परराष्ट्रले भनेको छ, 'यी समूह न त संविधानसभामा प्रतिनिधित्व गरेका छन्, न राजनीतिक तथा नागरिक संगठन नै हुन्, दुवै अवैद्य समूह हुन् ।'
परराष्ट्र मन्त्रालयले लिम्बूवान र खम्बूवानसँगको गर्ने भनेको भेटलाई स्वीकार गर्न नसक्ने जनाएको छ । 'सरकार यस प्रकारका बैठकको बिपक्षमा छ । यसले कुटनीतिक मर्यादा उलंघन गरेको छ,' विज्ञप्तीमा भनिएको छ ।

नेपालीमूलका माथि आक्रमण बढेपछि नेपाल छिर्ने बढे

काँकडभिट्टा, जेठ ११ 
भारतको मेघालयबाट नेपालीभाषीलाई खासी समुदायले जिउँदै जलाउने र लखेट्नेक्रम जारी रहेपछि आज २ सयभन्दा बढी नेपालीभाषी पूर्वी नाका काँकडभिट्टाबाट नेपाल प्रवेश छन्।कोइलाखानीमा २२ वर्षदेखि काम गर्दैआएका धरानका ४५ वर्षीय शम्भु राईले भने - 'नेपालीमाथि निरन्तर भएको शृङ्खलाबद्ध आक्रमणबाट जोगिन रातरात भागेर हामी समूहसमूह बनाई आजमात्र पाँच गाडी नेपाल फर्किएका हौँ।' उनले भने - 'तीन दिनसम्म त कोठाबाट बाहिर निस्कन पनि सकेनौँ, फोनमा नै साथीहरुसँग सम्पर्क गरेर योजना बनाई राति नै भागेर आयौं।'
नेपाल फर्कनेमा गाईघाट, धनकुटा, धरान, विराटनगर, मोरङ र झापाका रहेका छन्।
पूर्वोत्तर भारतको मेघालय र आसामको सीमावर्ती लाङ्गपी प्रकरणपछि दुईजना नेपालीलाई जिउँदै जलाएर खासी समुदायले हत्या गरेका थिए भने नौजना नेपालीको कोइलाखानीमा लुक्ने हुँदा पुरिएर मृत्यु भएको थियो।
हालसम्म सो घटनामा १४ जना नेपाली भाषीले ज्यान गुमाएको र हजारौँ नेपाली मेघालयबाट विस्थापित भएर आसामको सिल्टर, बोको, जयन्तीलगायतका स्थानमा आश्रय लिइरहेको आजै नेपाल फर्किएका गाईघाटका बलबहादुर तामाङले जानकारी दिए। - रासस
 

युनिटीको स्वामित्व रहेको बैंक राष्ट्र बैंकको नियन्त्रणमा

काठमाडौं, जेठ ११ 
गैर कानुनी नेटवर्क व्यवसाय गर्दै आएको युनिटी लाइफलाई संस्थापक सेयर बिक्री गरेको तथा युनिटी टावरबाट बैंकका सबै कामकारबाही संचालन गरेको फेला पारेपछि नेपाल राष्ट्र बैंकले मध्यमाञ्चल ग्रामिण विकास बैंकलाई आफ्नो नियन्त्रणमा लिएको छ।
नेटवर्कमार्फत ठगीधन्दामा संलग्न युनिटी लाइफले राष्ट्र बैंकलाई कुनै जानकारी नै नदिइ ग्रामीण विकास बैंकको नाम परिवर्तन गरी युनिटि ग्रामीण विकास बैंक बनाएको थियो। बैंकको नेटवर्कको प्रयोग गरी अनुचित फाइदा उठाई ऋणी ग्रामीण गरिब महिलाहरूलाई युनिटी लाइफ इन्टरनेशनलको कार्यक्रमको सदस्य बनाएको, बैंकका संस्थापकरसंचालक युनिटी लाइफ इन्टरनेशनलको ठगी कार्यमा संलग्न रहेको देखिएपछि राष्ट्र बैंकले नियन्त्रणमा लिनु परेको जनाएको छ।
राष्ट्र बैंकले बैंकको संचालक समितिलाई निलम्बन गरेको छ। नेपाल राष्ट्र बैंकले नियन्त्रणमा लिई उक्त बैंक संचालन गर्न ३ सदस्यीय व्यवस्थापन समूह गठन गरी व्यवस्थापन तथा कारोवार संचालन गर्ने व्यवस्था मिलाइएको राष्ट्र बैंकद्वारा जारी विज्ञप्तिमा जनाइएको छ।

अनिष्ट संकेत देखापरेको भन्दै जनजातिद्वारा संविधानसभा अगाडि आकस्मिक धर्ना

काठमाडौं, जेष्ठ ११ 
नेपाल आदिवासी जनजाति महासंघले संविधानसभा विघटन हुने अनिष्ट संकेत देखापरेको भन्दै मंगलबार दिउँसोदेखि आकस्मिक धर्ना सुरु गरेको छ ।
संविधानसभाको पश्चिमतर्फ महासंघका पदाधिकारीहरु धर्नामा बसेका छन् । संविधानसभा विघटन गरी मुलुक गम्भीर संकटमा पर्न लागेको भन्दै शान्ति र नयाँ संविधान प्राप्तिका लागि आगाडि अनिश्चितकालीन धर्ना सुरु गरिएको महासंघका अध्यक्ष राजकुमार लेखीले जानकारी दिए ।
महासंघको मंगलबार बिहान बसेको आकस्मिक बैठकले धर्ना दिने निर्णय गरेको थियो । संविधान बनाउनुपर्ने संविधानसभा विघटनको संघारमा पुग्नु अनिष्टको तयारी भएको भन्दै संविधानसभाको बचाउका लागि धर्ना दिने निर्णय गरेको लेखीले जनाएका छन् ।
संविधानसभा विघटन भए सबैभन्दा पीडित आदिवासी जनजाति, सीमान्तकृत, मधेसी, दलित र अल्पसंख्यक जाति नै बन्ने भएकाले संविधानसभा जोगाउन धर्ना सुरु गरिएको महासंघले जनाएको छ । महासंघले यसअघि पनि संविधानसभा विघटन हुनबाट जोगाएर अल्पकालका लागि म्याद थप्न आग्रह गरेको थियो ।
आदिवासी जनजाति महासंघले सुरु गरेको अनिश्चितकालीन धर्नामा सभासदहरु शान्ता चौधरी, टासी  गुरुङसेनी, सोनाम छेदुङ तथा राज्य पुनर्संरचना आयोगका अध्यक्ष गणेशमान गुरुङले पनि धर्नास्थलमा पुगेर ऐक्यवद्धता जनाएका छन् ।